Dongeng Sunda Asal Usul Danau Situ Bagendit Cerita Rakyat Indonesia dari Jawa Barat

Dongeng Sunda Asal Usul Danau Situ Bagendit Cerita Rakyat Indonesia dari Jawa Barat

TRIBUNJATENG.COM - Inilah dongeng Bahasa Sunda tentang asal usul Situ Bagendit Danau di jawa Barat, cocok dibacakan untuk anak sebelum tidur.

Sasakala situ Bagendit

Baheula geus rébuan taun ka tukang aya hiji randa beunghar nu katelah Nyi Endit.

Ieu téh saenyana mah ngaran nénehna, da ngaranna sajatina mah Nyi Bagendit.

Manéhna téh kacida pisan kumedna. Geus taya nu bireuk deui kana ka kumedannana.

Salian ti pakacar-pakacarna mah tara aya nu lar sup ka imahna.

Éstuning lain babasan éta mah hirup nyorangan téh.

Kajaba ti teu aya anu ngawawuhan, Nyi Endit téh émang jalma nunggul pinang, geus teu kadang warga, hirup téh éstu nunggelis.

Ari beungharna téa mah tétéla.

Béh kebonna béh sawahna, imahna gé panggedéna di salembur éta mah.

Turug-turug ngahaja mencilkeun manéh, ngababakan di tengah pasawahan, nu upluk-aplak.

Maksudna teu aya lain, ku bawaning embung campur jeung babaturan, da sieun kasoro téa.

Teu kitu mah atuh moal disebut medit. Kacaturkeun basa usum panén.

Di ditu di dieu ceuyah anu dibaruat. Ka sawah Nyi Endit ogé réa nu gacong.