Kabar Saiki
Rante Raksasa Ditemokake ing Kelurahan Triharjo Bantul Yogyakarta, Praduga Tinggalane Landa
Warga Padukuhan Mangir, Kalurahan Triharjo, Kapanewon Pandak, Bantul, pirang dinanan iki geger merga nemokake rante raksasa.
Penulis: Muhammad Khoiru Anas | Editor: abduh imanulhaq
TRIBUNJATENG.COM, BANTUL - Warga Padukuhan Mangir Kalurahan Triharjo Kapanewon Pandak Bantul Yogyakarta pirang dinanan iki geger, merga nemokake rante raksasa.
Kapethik saka Tribunjogja.com, Rante kui ditemokake Murdiyono (50) operator ekskavator nalika dheweke ngeruk pasir lan watu ana ing kali, tepate area cekdam Ngancar, Selasa (31/8).
"Kita cari sirtu (pasir batu) untuk menimbun pusaran air, agar ekskavator bisa menyeberang.
Ternyata menyangkut sesuatu, saya kira kayu jati, ternyata rantai," critane Murdiyono Kamis (2/9/2021).
Baca juga: Klaten Bakal Ana Rest Area saka Proyek Tol Solo-Jogja, Ambane 8 Hektar
Baca juga: Viral Wong Lanang Kaos Ireng Menek Patung Kuda Arjuna Wijaya Boyolali, Iki Jawabe Bupati Said
Baca juga: Korban Kapusan Arisan Online Blora padha Lapor Polisi, Rugi Nganti Rp 45 Miliar
Baca juga: Warga Desa Sabranglor Kabupaten Klaten Geger, Ana Trowongan Ngisor Lemah Praduga Tinggalane Landa
Rante sing nduweni ukuran dawa 30,6 meter lan diameter 24 centimeter, ora sengaja nyantol ing ekskavator.
Murdiyono crita, awale dheweke ngira yen ekskavator sing dilakokake kui mbangkot kayu, nalika ditiliki jebule rante raksasa.
Merga penasaran, dheweke nelusuri yen rante kui kurugan pasir, watu, lan banyu kali, kira-kira jerone nganti rong meter.
Ngerti kabar temuan rante raksasa, Balai Pelestarian Cagar Budaya Daerah Istimewa Yogyakarta (BPCB DIY) enggal nindak lanjuti.
Saka katrangane, Tri Hartini Ketua Unit Ratu Boko lan Candi Ijo BPCB DIY crita, para tim sing ditugasi wis njupuk sampel.
Mengkone sampel kui bakal diteliti gawe ngukur umur lan jinise bahan.
Ora mung kaya mangkono, para tim uga nglakoni studi banding kaya ta wawancara, ngecek struktur bangunan, lan liya-liyane.
Kaya ngono dilakoni supaya temuan kui bener-bener bisa dimangerteni asale.
Tri Hartini ngujar, yen praduga sementara rante raksasa kui tinggalane Landa lan kagolong benda cagar budhaya.
"Rantai itu dibuat saat era modern, Belanda kan sudah modern," ujare.
(*)
