Rame Kabar BSU Guru Honorer Cair September 2021, Iki Pamanggihe Kemendikbud 

TRIBUNJATENG.COM - Kasebar informasi ing media sosial bantuan subsidi upah utawa BSU kanggo guru honorer sing bakal cair sasi September 2021.

Kabar ngenani BSU bakal cair ing wulan September, salah sijine diunggah akun facebook Bunga Citra, 6 September 2021.

Saka unggahane, akun kui nuduhake portal warta, utawa berita ngenani BSU guru honorer bakal cair sasi September 2021.

Sateruse postingane kui uga ana tulisan, “Buruan Cek info.gtk.kemdikbud.go.id, BSU Guru Honorer dan Non PNS dari Kemendikbud Ristek yang Cair September, Cek Caranya DISINI”.

Baca juga: Kepala OJK Jember Njajal Pinjol, Nemokake Praktik Apus-apus, Bunga Dhuwur Nganti Tampane Dhuwit Beda

Baca juga: Geger Iwak Toman ing Desa Sabrang Lor Klaten Ditawa Nganti Yutanan, Iki Jawabe LIPI

Baca juga: KUA Jebres Solo Nduwe Program Layanan Biro Jodho, Mahar nganti Rabi Gratis

Baca juga: Gara-gara Nganggo Masker Bathok Klapa, Sawijine Tukang Parkir ing Bali Kena Push Up Satpol PP

Kapethik saka Kompas.com, Pelaksana Tugas (Plt) Kepala Biro Kerja Sama lan Hubungan Masyarakat Kemendikbud-Ristek, Anang Ristanto menehi katrangan yen informasi BSU guru honorer cair sasi September 2021 kui kabar ora bener alias hoaks.

Pihake mesthekake yen sasi September 2021 Kemendikbud-Ristek ora ana jadwal nyairake BSU kanggo guru honorer.

“Terkait hal ini informasinya tidak benar (hoaks).

Kemendikbud-Ristek pada bulan September 2021 tidak ada rencana penyaluran BSU,” ujare, Senin (13/9/2021).

Kaya sing dimangerteni, tahun 2020 wingi pemerintah saka Kementerian Pendidikan lan Kebudayaan utawa Kemendikbud menehi bantuan kanggo guru lan tenaga pendidik non-PNS.

Wujude yaiku Bantuan Subsidi Upah utawa BSU nganti Rp 1,8 yuta diwenehake sepisan.

Dene nalika iku, guru honorer sing nampa BSU isa ngecek ana ing info.gtk.kemdikbud.go.id.

Nanging saiki Kemendikbud-Ristek durung menehi informasi luwih cetha maneh ngenani BSU guru honorer 2021.

(*)