Baca tanpa iklan
TRIBUNJATENG.COM, JEMBER - Nasip apes dirasakake salah sijine warga ing Kabupaten Jember Jawa Timur.
Gara-gara entuk kabar pulsa gratis tabungane sing cacahe Rp 36 Yuta ana ing ATM bablas ilang.
Kadadean kui dialami Muhammad Kholil warga Desa Menampu Kecamatan Gemukus Kabupaten Jember, (17/8/2021).
Kapethik saka Kompas.com, Kholil crita, wiwit perkarane saka dheweke sing ditelpon wong ora dikenal.
Baca juga: Viral Dalan Rusak ning Klaten Dipasangi Watu Nisan, Ditulisi: Harta Tahta Jalan Rata
Baca juga: Mengeti Kamardikan RI, Warga Selo Boyolali Ngibarake Gendera Raksasa ing Lereng Merapi lan Merbabu
Baca juga: Jeneng Agus lan Kelairan 17 Agustus Gratis Servis Motor ing Kediri Jawa Timur
Baca juga: Gara-gara Jeneng Kromowidjojo, Atlet Nglangi Walanda Iki Dadi Kembang Lambe Masyarakat Indonesia
Wong nelpon sing jebule penipu kui ngaku saka bank lan menehi info yen dheweke entuk voucer pulsa gratis 500 ewu saka hadiah Ulang Taun Kamardhikan Indonesia.
“Dia mengaku dari sebuah bank dan menyampaikan kalau saya dapat hadiah voucer pulsa Rp 500.000,” ujare Kholil, Kamis (19/8/2021).
Awale Kholil ora percaya saka telpon kui.
Nanging amarga dheweke ditelpon bola-bali lan si penipu ngerti identitase kaya ta jeneng jangkep, alamat, lan pagaweane, ndadekake Kholil percaya.
“Dia meyakinkan saya dengan menyebut identitas, pekerjaan saya hingga alamat detail,” critane maneh.
Ngrasa yen hadiah kui bener, tanpa mangu-mangu Kholil manut apa sing diucapke penipu saka telpon, kaya ta kode OTP sing dikirim saka SMS.
Sakwise nudhuhake kode OTP, Kholil entuk SMS maneh.
Nalikane dibukak dudu info pulsa gratis, nanging malah laporan transaksi saka ATM.
Tabungane sing cacahe Rp 36 yuta ana ing ATM, tanpa suwe bablas ilang lan turah mung Rp 98 ewu.
“Ketika saya cek rekening, ternyata hanya tersisa Rp 98.000,” pungkase.
Kholil banjur sadar yen dheweke dadi korban apus-apus.
Ngenani kadadean kui, Kasatreskrim Polres Jember AKP Komang Yogi Arya Wiguna durung isa menehi katrangan saka kasus apus-apus sing dialami Kholil.
(*)